 08-19-2010, 10:18 PM | رقم المشاركة : 66 |
| |
احمد الله سمعتي عاليه دايم تمام=خدام ربعي ولانيب رجل عنصري
ابن عمي يوم اخدمه افاخربه دوام=من مخاريم ومن كان يرجع دوسري
رافع نفسي ولا قرب دروب الأتهام=ماتغير في مقامي هروج السرسري
ياسلام الله سلام عدد وبل الغمام=للامير اللي ليا قام للشده جري
ظافر مشبب يخلّص عسيرات المهام=شيخنا اللي ينعرف بالنهار الأقشري
شيخ شمل اهل الشجاعه ليا ثار العسام=لابةٍ تاريخهم فالصحايف ينقري
شيخ شملٍ للمخاريم عالين المقام=وأن كسر عظم من الصعب كسره يجبري
شيخته من جد جده ولا فيها خصام=يوم كلٍ في المعارك يبيع ويشتري
ماخذاها بالتوابع وبصمات البهام=أن رضى من شك في شيخته والا زري
شيخته بالسيف الأرقب من عصورٍ قدام=يوم غيره شيخته ماحدِ عنها دري
ماتوفيه القصائد ولا حتى الكلام=بس انا ماغير اعبر بشي فخاطري
|
العرض العادي
