بديت بأسم الله ربي واسأله=
عفوه ولطفه يوم روغات الاذهان=
ومن بعد ذكر الله جات المقاله=
تسوق لي سوق الاديبه لهجان=
وفيها عن الماضي عروض ومساله=
عن ماضي قد فات وايضا عن الان=
يوم الرجال اهل الكرم والبساله=
يردون حوض الموت ميراد ضميان=
ويوم النفوس نظاف مابه حثاله=
يومن جار البيت له عندهم شأن=
وليا عزم جاره لفاله وجاله=
والدور بكره عند جاره كحيلان=
ماعندهم شكه ولابه نذاله=
ولاهم هل النومه ليا وقت الاذان=
ولاجاء الضحى كلن يحوش حلاله=
يطرد وراء ماله ولاهو بخسران=
ويطلب عفور مايرد الدعاء له=
انك توفق عبد مذنب وندمان=
هذا عن الماضي رسوم ودلاله=
ماهو بعصر الاب في عصر جدان=
واليوم حاله غير عن ما مضاء له=
لوكان به خير ولافيه جوعان=
ناس تحسب النوم يخر جماله=
نهارها بالنوم والليل سهران=
وقبل الفطور يغير يبغى البقاله=
ويشري مع الفنتو جريده ودخان=
ومسلسلات تجيب خبث ورذاله=
تجيب رقص وسحر وتجيب سكران=
لاكن ترا فيننا رجال الشكاله=
يمشون بكتاب ختم كل الاديان=

حللت أهلا ضيفنا رمضاني=
أهلا بشهر العفوا والغفراني=
في كل عام أنت ضيفا غالي=
نرقب حللوك أفضل الأزماني=
يعني بلهجة هرجنا العامية=
أرحب عداد الغيم والوداني=
أولك رحمة وأوسطك به مغفرة=
وآخرك به عتق من النيراني=
لكن بعض الناس ياغالينا=
تغيرت والحل حل ثاني=
ماهم بربعك بالذي تخبرهم=
تغيروا والكل طبعه شاني=
من أولن جمعة وأسرة وحده=
نفطر مع أهل الحي والجيراني=
نجلس نسولف مع بعضنا ونحكي=
ننشد عن أهل وفلان ويا فلاني=
حتى الفقير نقدره ونعزه=
كنه من أهل البيت والأخواني=
واليوم حتى الجار ماحسوبه=
هو حي ولا صار عمره فاني=
دايم على التلفاز كل اوقاتهم=
ونومة من الآذان للآذاني=
ضاع الاجر ياليتهم ماصاموا=
ولا قروا آية من القرآني=
يارب تهدي من أضل وتشمله=
عفوك فأنت الرب يارحماني =
وأقبل ياربي صومنا وقيامنا=
وأغفرلنا ياعفو يامناني=
وختامها صلوا على سيدالبشر=
محمد الطاهر نسل عدناني=

امرحبا ياضيفنا في كل عام =
ياللي معاك الخير يمشي وتحداه=
ياضيف ياللي في محياك السلام =
والجود بك ياضيف ماغيرك عطاه=
هذا ترا شهر الفضل شهر الصيام =
اعظم شهور العام حظ اللي لقاه=
تغفر ذنوب اللي وقفله باهتمام =
بالصوم واعمال النفايل والصلاه=
نهاره يصومه وليله بالقيام =
ومجود جوارحه من كل اذاه=
اوله رحمه واوسطه تجلى الآثام =
وآخره عتق ياعسانا من اعتقاه=
باول دخوله ويل ملعون الرسام =
تصفد أرسوم الشياطين العصاه=
شهر القرآن وشهر تعظيم الحرام =
به ليلة يغشا بها الله من عطاه=
تنزل ملائكته وروحه للانام =
باذنه ليا حد الفجر ينزل رضاه=
من حرم فيها الخير محروم ومظام =
يامربح اللي فاز ويحصل مناه=
لكن حنا في زمان الانحطام =
نمشي ولاندري بعكس الاتجاه=
من اولن نحسب له حساب وغرام =
نطلب من الله كل ليله بالنجاه=
واليوم لامنه دخل طاح الخطام =
بمسلسلات تكشف البير وغطاه=
وآلات لهو وغفله وبعد المرام =
وشهر الفضل نبحث عن اللي من وراه=
يالله عفوك وانت رب للانام =
واقبل صيام اللي يريدون النجاه=

بديت بسم الخالق اللي كلنا نلجاله=
رباً تفرد بالالوهيه وعرشه عالي=
نرفع يدينا ونتظرع بالدعاء ونساله=
متوجهين لطاعة المولى نساء ورجالي =
لناس فرحه مستمره برمضان الحاله=
والمسليمن اخوان وانا ما فرحت لحالي=
الحمد لله يوم شهر الخير هل اهلاله=
وحنا بنعمة ربنا الخلاق بحسن حالي =
شهراً نعيش اجواه والشيطان في سلساله=
وش عاد باقي دامت الشيطان بالسلسالي=
شهراً فرض يومه صيام من الفجر ولياله=
صلاه وقيام وعمل من طيبت الاعمالي=
صامه رسول الله وعلق بالكريم آماله=
وصمناه بعده بالكريم نعلق الآمالي=
شهر اوله رحمه من اللي كلنا بظلاله=
واوسطه مغفرةٍ من الخالق وراحة بالي=
واخر ليال الشهر ما ينساه غير الداله=
عتقٍ من النيران يوم الحشر والاهوالي=
شهر انزل الله فيه قرانه وكل اقواله=
في ليلةٍ عظمى على شخص عظيم وغالي=
اللي حرم من خير هذا الشهر واعزاله=
واللي عرف قدره جزاه من الكريم الوالي=
الله يعيده كل عام النا يهل هلاله=
وحنا بنعمة ربنا الخلاق بحسن حالي=
وابنصح اللي طاعته لرب ما تحلاله=
الا بهذا الشهر قال الرب ما تحلالي =
رب الشهور الله لكن الصوم له منزاله=
لا تعبده في شهر وتكبه شهور اطوالي=
اكبر خطا للعبد في دنياه كثر اهماله=
الى متى الاعراض والتسويف والاهمالي=

يا مسلم إغنم فرصتك لا تفوتك =
قبل العمر يمضي وتفنى حياتك =
إن كان مالت بالليالي بخوتك =
شهر الفضل والخير فرصه وجاتك =
إستثمر أيام الشهر قبل موتك =
بأعمالك اللي ترتقي في صفاتك =
لا تثني رياح المعاصي ثبوتك =
وخلك مثل صم الجبال بثباتك=
وسجّل بتقويمك .. وسجّل بنوتك =
للصوم حقٍ ينتظر واجباتك =
والصوم .. ما هو ترك شربك وقوتك =
و تركك لبعضٍ من ملذات ذاتك =
الصوم .. هو ختم الكتاب وقنوتك =
وخالص دُعاك .. ودمعتك في صلاتك =
والصوم .. يزخر بالتسابيح صوتك =
ويترطّب لسانك بها مع شفاتك =
والصوم .. عن بعض المواقف سكوتك =
وغض البصر عن شينها والتفاتك =
والصوم .. قبل العيد يدخل بيوتك =
للمسلم المحتاج تخرج زكاتك =
مسكين ياللي فوّت النوم فوتك =
وروّح نهارك والمسا في سباتك =
ومسكين ياللي سهرتك مع "بلوتك" =
ومقابلٍ ربْع "المسنجر" و"شاتك"=
ومسكين ياللي في يمينك "رِموتك" =
وامتابع مْسلسل زهى في قناتك =
باكر تموت وتذبل أوراق توتك =
لا شالوا أقرابك بقايا رفاتك =
تلقى بدنياك الدنيّه بهوتك =
وتلقى من الله بالقيامه جزاتك =

بسم الله ابدي قبل ماكتب لي ابيات=
الواحد اللي عالمٍ بالخفيه=
ربٍ بذكره تاجدون المسرّات=
تمسكّو في طاعة الله ونبيه=
حضّر يا فكري بالجزال الفريدات =
نويت اشارك مير مابغي وصيه=
مع رجالٍ صيتهم مابعد مات=
شعّار جزلٍ هم هل الاولويه=
الله يجملني و اجيب الجزيلات=
وارضي وجيه الخير واهل الحميه=
حنا في شهر جات فيه اختلافات=
وعزومنا ضعْفت ولاهي قويه=
المسجد اللي ممتلي كل الاوقات=
صار امهجور وكل يمشي بغيه=
شهر العفو تكثر به الإنقطاعات=
غدا الرجل يقطع ابوه واخيّه=
والا على التلفاز تلقى السخافات=
برامج ومسلسلات رديه=
هم البشر كله في تبع التفاهات=
يبدلون الخير بأمحق غنيه=
راحو هل الطالات اهل الجمالات=
اهل الفضيلة والقلوب النقيه=
اللي خذوا معهم سلومٍ وعادات=
مفقودتن ذالوقت بين البريه=
إنا بوقت اتبدلت به مسارات=
غدا الرجل يمسي ويصبح بنيه=
ونطلبك يارحمان جزل العطيات=
نطلبك عفوٍ ياجزيل العطيه=
وصلاة ربي عد ما قيلت ابيات=
على النبي واعداد وبل الرفيه=

الدموع اتهلّ غصبٍ بلا عمدي=
(لاحكى لي شايبي عن زمانٍ لّه)=
(قال) يازين الزّمن في عصر جدي=
اشهد انّه راح ماهوب ذا حلّه=
ما نفرّق بين ذا مزحٍ و جدي=
ما يجي من بيننا ضيقٍ و زلّه=
مانعرْف الكبر والحسْد والحقدي=
القلوب اصحاح ما خشّها خلّه=
وان لفا شهر (رمضانٍ) وهو قصدي=
لا انتصف شكل القمر ثم بدا هلّه=
نجتمع دايم على العزّ و الودي=
والسوالف بيننا بيتٍ و شلّه=
لو غلبنا الجوع والجهد و البردي=
جوعنا يكْتمْه قرصٍ على ملّه=
مير جانا وقت ياجعله يعدي=
والقلوب الصافيه شفتها قلّه=
ليتني ورعٍ وراقد على مهدي=
سالمٍ من وقتٍ يجيب لي علّه=
الله اكبر يازمانٍ قلب ضدي=
كان به طينٍ فهو زوّد البلّه=
الوصل ماعاد به وصل ينعدي=
كنّ مال الناس لا دينٍ وملّه=
والفتن يا كثرها يابعد كبدي=
ابتعد يا شافي عنها لوجه الله=
والنصيحه كالهديه ماتنردي=
طيع ربك خالقك و الفرَض صلّه=
((ايتوجّد مير ما فاده الوجدي=
راح وقتٍ عاش فيه وّلا ملّه=
وايتصبر والصبر ينهك الجهدي=
والصبر مافاده ولا برا غلّه))=