هل تعلمون إني ليا شفت أنا أحلام=راحت فعولي كلبوها سرابي
الجادل اللي حبها يرزم ارزام=بين الحنايا لين سبب عذابي
صادفتها صدفة على الشارع العام=تمشي على جال الرصيف اترابي
ثم صرت أرقابها من الشرق لشام=من دون ما تسمع بخطوة ركابي
حتى وصلنا سوق يدعى بالاهرام=مشهور في بيع الحذي والثيابي
وخشت وانا معها ولا به ترى ازحام=وقامت تسعر ما عليها نقابي
ثم قلت خطه ليه مادق الابهام=يمكن تناظرني واحقق صوابي
وصارت ولدة لدةً تسهم اسهام=منها تلخبط يا عرب كل مابي
ضحكه ورزه شفتينً وهندام=وخداً تقول الورد والنهد نابي
وقلت السلام ورحمة الله والاسلام=يأمر برده يا عزيز الجنابي
قالت هلا يعني ماندري بالاحكام=حنا ما نجهل ما رواه الصحابي
إن كان عندك شي قلي بالاتمام=على حسب قولك تتكسب عجابي
ثم قلت شاعر ما عليه بالاقزام=فكري على ما ريد يمه سرابي
وقلبي ترى طيب على العز مقدام=واليا نواله حاجةً ما يهابي
قالت خلاص الله يعافيك يا تام=فيك اللذي دونتها في كتابي
كل الوصوف الزاهيه عد واحجام=يا سيد روحي وأنت فدوة شبابي
تستاهله ومع السلامه يا ظرغام=وهذا ترى رقمي ولا عنك غابي
ثم قلت لحظه يا مبعدة الاوهام=اسمك ما دام الحب بالدم رابي
ثم قالت اسمي يا غلايه ترى أحلام=وراحت وأنا قلبي عليها غدابي

ياشافي قلبي قاهرته ضروف الزمان=كيف نلقى حلول أنصلح المشكله
كني طفل ٍ صغير مالقاله حنان=وسط ديرة ٍفيها المساجد مقفله
مانحب المذله مانحب الهوان=القمر وسط بيتي عاجز ٍ لوصله
حالت السحب دونه والنجوم الثمان=ومتحني عطارد شاربه يفتله
لالقيت لي حل ٍ تجود بالعنان=ورسلي كل علم ٍ جاك بالمشكله